( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :
أ ن الحيـاه فبعـد احبـابـك اذا جــف الـوصـال
ا تعيشها لو تقتنع انك خـلاص اصبحـت ( ميـت !!)
يا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القاف ) سـال
ويا كبرها ساكت ولكـن داخـل اوراقـي بكيـت !!
عمر الحكي ما كـان دافـي لا ابتـدى بقولـة تعـال
لجل اتجاهـل رجفـة حروفـي اليامنـي حكيـت ..
الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!
اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!
مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت .!
يرضيك ما عـادت معـي تفـرق اذا جالـك مجـال
لاني اقتنعت انك نهايه وانـي ببطـي مـا بديـت !!
صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟
تعبـت اعيـش الـدور وافتـح للمعاذيـر الخـيـال
واتخيل انـي جيـت فـي بالـك وبانـك استحيـت!!
وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )
حتى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..
قلي شسوي فيـك ؟ وانـت بداخلـي اصـدق مثـال
للحب و احساس القصيد ان عانـق الليـل وسريـت..
ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!
واذا بـلاك الله وعذبـك اشتياقـك (( بـس تعـال ))
واقرى القصايد في غيابـك كلبوهـا بيـت ... بيـت
بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )
كلمات الشاعر / محمد جارالله السهلي
أخترتهاا لكم لما حسيتهاا بشدة ...وأعجبتني...
أتمنى تحوز على رضاكم...
ان ( اصعب سؤال ) اللي يجي رده سؤال
لا قلتلي ( وش ذكرك ؟ ) ثم قلتلك (متى نسيـت ؟)
__________________
نزعل ونتكبر وحنا مـن الطيـن ** والكل منايصـد لااقبـل خويـه
نفخر نقول انا على الصد قاويـن ** وهـي علينـا فالحقيقـه قويـة
ننسى نهايتنا وعلى ويـن ماشيـن ** وننسى الزمان اللي جمعنا سويـه
المشكلة ماهي بحاجـه لتخميـن ** ولاهي يانـاس صعبـه القضيـة
دق الرقـم كيفك هلافيك واهلين ** اناالخوي اللـي مزعـل خويـه
تغيب وصورتـك داخـل العيـن ** ويبقى لحبك فـي خفوقـي بقيـه
اخوااااان حنا لويجي بيننـا شيـن ** ومانفتـرق دام المحبـة نـديـه
خلك قوي لاتحتكرك الشياطيـن ** قبل الفوات وقبـل وقـت المنيـه
هاذي هي الدنيا من الحين للحيـن ** لابد بين النـاس تحصـل خطيـه
ومن لايقدر غلطة احبابه الحيـن ** يقرا حروفـي ويعتبرهـا هديـه
باااكر تمر سنين وسنيـن وسنيـن ** والكل يرحل فالدروب المديه
صدقني تندم واذكر حروفنا زيـن ** تندم على خلك اذاغـاب ضيـه
دنيا غريبه واكثر النـاس ماشيـن ** وكم صاحب والله دفنته بيديه
م ح ب ك م ،، معذبهم[center]
الرئيسية 
أحدث الصور 
موضوع: أصعــب ســؤال اللي جوابه للأسف مثله ( سؤال ) 
